Uquqçı ve Qırımtatar Resurs Merkeziniñ meneceri Lüdmıla Korotkıh “Suspilne Haberler”ge işğal etilgen Qırımnıñ şimdiki vaziyeti aqqında intervyü berdi. O, gece ücümleriniñ aqibetleri, elektrik teminlevi ile bağlı meseleler, eali içün sıñırlavlar ve yarımadada telükesizlik vaziyeti aqqında tarif etti.
“Elektrikanen bağlı meseleler, elbette, yarımadanıñ er yerinde yoq. Amma, kene de, soñki malümatqa köre, bugünki gece ücüm neticesinde Aqyar da bütünley yarıqsız qaldı. Yani, repertajdaki meskün yerlerge Aqyar da qoşuldı. Elbette, haberlerde elektrik ağında felâketler aqqında aytıla, amma epimiz bu felâketlerniñ tabiatını yahşı añlaymız”, – dedi Lüdmıla Korotkıh.
Onıñ qayd etkenine köre, bazı meskün yerlerde elektrik teminlevi endi ğayrıdan tiklenile, lâkin yarıqsızlıq tek arbiy obyektlerge degil de, grajdanlarnıñ yaşayışına da tesir ete.
Bunen beraber, böyle vaziyet trolleybus parkı trolleybuslarınıñ areketi sıñırlana ya da bütünley lâğu etile. Böyleliknen, bu em arbiy obyektlerge, em Qırımnıñ rusiye işğalcileriniñ arbiy qabiliyetine, em de yerli ealige tesir ete”, – dep qayd etti Korotkıh.
O, yarımadanıñ grajdanları içün telükesizlik vaziyetine diqqat ayırdı.
“Şübesiz, telükesizlik vaziyeti pek yahşı degil. Ve arbiy areketler vaqtında tam telükesizlik aqqında aytmaq mümkün degil, bunı añlaymız. Aynı zamanda, grajdanlar içün sığınacaq ve telüke aqqında haberdar etüv sisteması yoq. Hususan, insanlar azır degil”, – dep qayd etti.
Korotkıh, işğalci memuriyet tarafından kirsetilgen yañı sıñırlavlar aqqında da haber etti.
“Aqyarda mototsikller içün yasaq ilân etildi: ilk yaz ayınıñ 17-nde saat 22:00-dan soñ olarnı qullanmaq yasaqtır. Sebebi, bu, olarnıñ ava mudafaasınıñ çalışmasına keder ete, çünki motosikletlerniñ sesi insansız uçaq aletleriniñ sesine oşay. Onıñ içün böyle sıñırlavlar tayin eteler”, – dep qayd etti.
Qırımtatar Resurs Merkeziniñ vekili Lüdmıla Korotkıhnıñ aytqanına köre, yarımada içün eñ körümli aqibetlerden biri yaqıt satıluvınıñ sıñırlanması ve onıñ qıymetiniñ tez artması oldı. Onıñ qayd etkenine köre, grajdanlar ve biznes içün yaqıt satuvı yoq, yaqıt tek işğalci memuriyetniñ qararlarına köre, kritik infrastrukturanı temin etken teşkilâtlarğa berile.