Qırımtatar resurs merkeziniñ reisi, qırımtatar Meclisi çetel işler ve huquq meseleleri boyunca idaresiniñ başı Eskender Bariyev ‘Qirim. Aqiqat’ portalına intervyu bergende RF Prezidenti Vladimir Putinniñ işğal etilgen Qırımğa ziyafetini izaat etti.
‘Milliy birlik künü Putin Moskvada ola bilir edi, Kavkaz ya da Uralğa bara bile edi, amma ille de Qırımğa keldi. Rusiye vatandaşlarına şunı köstermege istedi ki, bir taraftan, Qırım- Rusiyeniñ bir qısmı olğanını, başqa taraftan, qırım sakinlerine olar, yani rusiye hakimiyeti, Qırımda çoq vaqıt qalacağını numayış etmek. Aqrusiyege ise Qırım- Birlikler devleti leyhasınıñ bir qısmı olğanını isbatlamaq istedi’,- dedi ekspert.
Bariyev qayd etkenine köre, Rusiye ve Aqrusiye Birlikler Devletini meydanğa ketirüv esnası Ukrainanıñ territorial bütünligi içün havflı ola bilecek ve şu sebepten de diger devlet hakimiyetleri tarafından bir areketni talap ete.