Bazarertesi künü, 8 martta Qırımtatar Milliy Meclis ofisinde Ukrainada İspaniya Elçisinen körüşüv keçirildi.
Körüşüvde Ukrainada İspaniya Qırallığınıñ Fevqulade ve Vekãletli elçi Rikardo Lopes-Aranda Hagu, Ukrainada İspaniya Elçiliginiñ konsulı Losano Gayardo, Qırımtatar Milliy Meclis reisi Refat Çubarov, QRM idare reisi Eskender Bariyev ve Qırımtatar Milliy Meclis azası Riza Şevkiyev iştirak ettiler.
Körüşüv ketişatında iştirakçilerni işğla etilgen Qırımda insan haqlarını bozuvnen bağlı vaziyetnen tanış ettiler. Şundan da ğayrı, yarımadanıñ işğalden qurtulması ve reintegratsıya meselelerine bayağı diqqat ayırıldı.
Subetdeşler Ukrainada cenkten soñra Qırımnıñ huquqiy statusını tafsilãtlı muzakere ettiler. Qırımtatar Miliy Meclisi Qırım Ukrainanıñ ayırılmaz bir qısmı olğanını tasdiqlay ve işğalden soñ milliy-territorial muhtariyet haqqında söz yürsetmek kerek olacaq.
Hatırlatamız ki, Eskender Bariyev milliy-territorial muhtariyetni meydanğa ketirmek kerekligini defalarca qayd etken edi.
Ukraina unitar bir ülke olğanı içün, territorial muhtariyetke sahip olamaz, çünki o, devletniñ unitarlığı içün havflı ola bilir.
‘Sadece milliy-territorail muhtariyet haqqında söz yürsetmeli, yani Ukraina tamır halqlarnıñ öz-özüni tayin etüv şekli haqqında’,- qoştı ekspert.