Cumaertesi künü 18 mayısta qırımtatar sürgünliginiñ 80-yıllığı munasebetinen Kiyevde qırımtatar genotsid qurbanlarınıñ hatırasına Memorial olacaq yerde taş tiklenildi.
Merasimde ukrain askerleri, memurlar, siyasetçiler, ressamlar iştirak ettiler. Ayrıca Ukraina Prezidenti Vladimir Zelenskiy, qırımtatar halqınıñ lideri Mustafa Cemilev, Ukraina mudafaa Naziri Rustem Umerov, Qırım Muhtar Cumhuriyetinde Ukraina Prezidentiniñ daimiy temsilcisi Tamila Taşeva, qırımtatar Milliy Meclis reisi Refat Çubarov, QRM reisi, Milliy Meclis azası Eskender Bariyev ve digerleri iştirak ettiler.
Vladimir Zelenskiy öz çıqışında rusiye 80 yıl evelsi olğanı kibi qırımtatarlarnı yoq etmege devam etkenine urğulandı.
‘ 1944 senesinden soñ sağ qalğanlarnıñ onlarnen yılları hırsızlandı, Qırımdan tış, basqı tübünde qalmağa mecbur olğan yıllar. O vaqıtta ancaq moskva hakimiyeti zayıflaşqanınen ve mustaqil Ukraina tiklenilmesinen qırımtatarlarnıñ devlet seviyesinde adaletni seslendirmek, genotsid olğanını isbat etmek ve Qırımda normal yaşayışnı tiklemege imkãnları peyda oldı’,- qayd etti prezident.
Zelenskiy qayd etkeni kibi, 2014 senesine qadar Qırım bizim halqımız içün bahtlı bir mekãn edi ve öyle de olacaq. ‘Küçümiz, sabitligimiz, silãmız Qırımnı işğalden qurtulmasını temin etecektir. Yarımadamız- yaşayış içün Avropada eñ yahşı yerlerinden biri tanılır eken, mıtlaqa öyle de olacaq, faqat Rusiyesiz’.