Bazar künü, 28 aprelde saat 15 Kiyevde Yevgeniya Genovanıñ ‘Qırımtatar aileleri’ adlı kitabınıñ taqdimnamesi olıp keçecek. Kitap 14 qırımtatar qorantasınıñ hikãyesini añlata. Kitap qaramanları çeşit adlarınen tanılğan bir duşmandan azap çektiler: rusiye imperiya olsunmı, Sovetler Birligimi ya da rusiye federatsıyası.
‘Bu hikãyeler qurşunğa çeküv, işkence, sürgünlik, hapis ve işğalge baqmadan qırımtatar halqı hep evine avdet etkenini añlata. Sevmese olmaycağı, qaytmasa olmaycağı içün hep qayta,’- qayd ete muellif.
Yevgeniya urğulağanı kibi, kitapta oquyıcı Özbekistannıñ quru tarlalarında pamuq cıyğan ösmürler, öz evinden quvulğan qadınnıñ azabı, elãk olğan qaramannıñ ömür arqadaşı çekken acı faciası haqqında oqup olacaq. Kitap qırımtatar halqınıñ bir qaç nesiliniñ başına kelgen ömür tecribesini tarif ete.
Taqdimnamede kitap qaramanlarından birileri olğan QRM temsilcileri de iştirak etecekler:
Eskender Bariyev – Qırımtatar Resurs Merkeziniñ reisi, qırımtatar Milliy Meclisiniñ çetel işler ve huquq meseleleri boyunca idaresiniñ başı;
Zarema Bariyeva- QRM meneceri.
Kerçekten, 14 hikãye arasında Bariyevler qorantasınıñ 2014 senesine qadar hikãyesi ve onlarnen yıl evel bu qoranta azalarınıñ çekkenleri añlatıla.
Tedbirni ziyaret etip, kitap sahibi olmağa ve 14 aile misalinde qırımtatar halqınıñ küreşinen tanış olmağa davet etemiz.
Qayda: VDNH Kitap Festivali, 1-inci pavilyon, 1 –inci zal, Kiyev: Akademik Gluşkov caddesi, 1).
Ne vaqit: 28 aprel: saat 15
Kiriş serbesttir.