Bazarertesi 7 avgustta ‘Musafir’ qavehabesinde matbuat sabalıq keçirildi. Körüşüvde QRM taqımı, Ukraina tamır halqlar ve devlet hakimiyet organlarınıñ temsilcileri ukrain matbuat vastalarına Halqara tamır halqlar künü munasebetinen informatsıon kampaniya ve Ukrainada tamır halqlarnıñ vaziyeti haqqında tarif ettiler.
Spikerler:
Eskender Bariyev – Qırımtatar resurs merkeziniñ reisi, qırımtatar Milliy Meclisiniñ çetel işler ve huquq meseleleri boyunca idaresiniñ başı
Tatyana Savçuk – QRM kommunikatsıya meneceri;
Refat Çubarov- qırımtatar Milliy Meclisiniñ reisi;
Yelena Arabacı – qaraylar temsilcisi;
Vãçaslav Lomrozo – qırımçaq temsilcisi;
Larisa Voloşina – jurnalist;
Vladislav Berkovskiy – Ukraina medeniyet fondunıñ icra mudiri;
Mustafa Cemilev- qırımtatar halqınıñ lideri.
Tedbirge 10-dan ziyade böyle kibi KHV jurnalistleri qoşuldı: Suspilne, Freedom, Kiyev24, Espresso, ATR, QırımNews ve il.
Matbuat körüşüvde Eskender Bariyev tamır halqlar haqlarınıñ amelge keçirüv sahasında QRM-niñ faaliyetini, şu cümleden halqara cemiyetlerini Ukraina tamır halqlarınıñ vaziyeti haqqında haberdar etkenlerini añlattı.
‘Öz tarafımızdan halqara seviyede işke doğrultılğan faaliyet haqqında söz yürsetemiz: tamır halqlar meseleleri boyunca OON muzakerelerinden iştirak etmek, diger halqara mehanizmlerde iştrirak etmek’,- añlattı o.
Tatyana Savçuk QRM tarafından Qırımtatar bayraq kününe #LIBERATECRIMEA informatsıon kampaniyası çerçivesinde hazırlanğan vizual-informatsıon mahsulatnı tadim etti: plakatlar, videorolikler, infografika, test, maske.
İleride davet etilgen spikerler Ukraina tamır halqlarnıñ vaziyeti haqqında öz fikirlerinen paylaşa bildiler.
‘Qırımnı sade bir ukrain regionı olaraq tanımamalı, o hiç bir vaqıt sade bir yer olamaz. Tarih cehetinden pek özgün, degerli bir yerdir…. Ukraina tamır halqları ukrain devleti olmadan zor vaziyette olurlar, aynı zamanda da Ukraina devleti tamır halqları olmadan zor alda olacaq. Fikrime köre, jurnalistika institutlarımızda Qırım boyunca programmalar kirsetilmeli’, – qayd etti Larisa Voloşına.
Viktor Yelenskiy qayd etkeni kibi, Ukraina tamır halqarı devletni teşkil etken millet ve esnasnıñ bir qısmıdır. Bu cehetten tamır halqlar qulluq ve ölüm medeniyetiniñ tam qarşılığı olğan hayat ve serbestlik medeniyetidir.
‘Ukraina tamır halqları Qırım şekillendiler. Qırım şimdi işğal altında bulunmaqta. O da, bilgenimiz kibi vaqtıncadır. Biz Ukraina tamır halqlarnı unutmayıp, şimdi taqip altında, hapislerde bulunğan tamır halqlar temsilcilerine birdemligimizni bildirmelimiz’,- dep añlattı o.