26 avgust künü Kiyev rayon ‘mahkemesi’niñ hakimi Andrey Dolgopolov 22 tutuqlanğan qırımtatarnı 1-7 künge idariy hapiske mahküm etti.
Bu aqta ‘Qırım birdemligi’niñ advokatı Emil Kurbedinov haber etti. Tutuqlanğanlar arasında 64-71 qadar yaşında olğan esli adamlar da bar. Olardan üçü – Bağçasarayda tutuqlanğan qırımtatarlarnıñ yaqın aqrabası.
‘Qoruma delillerimiz qabul olunmadı. Bunı yapqanlarnıñ esas maqsadı-adamlarnı qorquzmaqtır,’- añlattı advokat.
Hakim Eldar Aliyevnı ‘ İç işler organlarınıñ hadimine tabi olmağanı içün’ 7 kün idariy hapiske mahküm etti. Tutuqlanğanda Eldar Aliyevni betinen yerge sürdiler.
23 tutuqlanğanlardan 2-siniñ bulunğan yeri belgilene.
Hatırlatamız ki, 24 avgust künü Aqmescitte Kiyev rayon ‘mahkemesi’ yanında işğalcılar yaqında tutuqlanğan qırımtatarlarnıñ davaları boyunca toplaşuvğa kelgen sakinlerni yaqalamağa başladılar. Aqmescitte 2-nci ‘Kiyev’ polis bölüginde tutuqlanğanlarğa seferberlik davetleri berildi ve soñra episini SİZOğa yolladılar. Bağçasarayda Abdullayev Servin Sebereyeviç bulunmaqta; Yaltada- Seytumerov Şukri Seytmemetoviç, Bilãlov Emin Yunusoviç, Asanov Edem Reşadoviç; Qurman rayonında – Aliyev Emil Eskender oğlu, Fevziyev Yunus Ablakimoviç; Sakide- Aliyev Eldar Serveroviç, Appazov Zenur Zuferoviç; Sudaqta- İbragimov Lenur Musanoviç, Bekbayev Fevzi Fikretoviç; Aqmescit merkeziy polis bölüginde- Zudiyev Remzi Zudiyeviç, Topçi Enver Seyaroviç, Temirgaziyev Bekir Settaroviç, 2-nci Kiyev polis bölüginde – Mustafayev Enver Seitoviç, Seitmemetov Enver, Salavatov Ruslan Remziyeviç, 1 Demiryol polis bölüginde – İzmailov Eleonor Cevdetoviç, Kantuganskiy Ruslan Aliyeviç, Osmanov Rustem Osmanoviç; Lineynoye polis bölüginde –Lümanov Memet Ayderoviç, Gafarov Abdul Yahupoviç.