İşğal etilgen Aqyarda yerli sakin Oleksandr Malerenko içtimaiy ağlarda yazğanları ve izaatları içün 5 yıl ve 6 ay apis cezasına maküm etildi. Bu aqqında “Qırım SMERŞİ” rusiye tarafdarı olğan Telegram-kanalı haber etti.
Onıñ malümatına köre, işğal quvet strukturaları aqaynı 2024-2025 seneleri açıq messencer gruppalarında Ukrayina Silâlı Quvetleriniñ vaqtınca işğal etilgen Qırım ve Keriç köprüniñ rusiye arbiy ve astyapı obyektlerine ücüm etkenini desteklegen beyanatlar derc etkeninde qabaatladılar.
İşğal kanalı, bir sıra tefsirlerde adam rusiye grajdanlarına qarşı zorbalıq areketlerine çağıra, dep iddia ete.
rusiyege qoltutqan kanalnıñ haberinde, aqaynı FSB hadimleri taptı, bundan soñ oña qarşı cinaiy dava açıldı, dep aytıla.
Qırım işğalindan soñ rusiye akimiyeti “ekstremizm”, “terrorizm” ve “ayıplav” qanunlarını muntazam sürette qullanıp, fikirlerini bildirgen, Ukrayinağa qol tutqan ve işğalci rejimni tenqit etken insanlarnı taqip ete. İçtimaiy ağlardaki yazılar içün repressiyalar vaqtınca işğal etilgen yarımada sakinlerine nisbeten qullanılğan basqı vastalarından biri olaraq qala – Qırımtatar Resurs Merkezi qayd ete.