İşğal etilgen Qırımda qural ayınıñ 30-nda saba saat 09:00-dan itibaren AI-95 benzini satıluvı sıñırlandı. Endi, bir aydayıcı tek bir seferde 20 litr benzin ala bile. Bu aqqında öz Telegram-kanalında Qırımnıñ “başı” degen Serğiy Aksönov bildirdi.
Onıñ aytqanına köre, şimdi benzin olğan benzin stantsiyalarınıñ adresleri işğal akimiyeti tarafından nezaret etilgen Qırım Cumhuriyetiniñ Yaqarlıq ve energetika nazirliginiñ saytında derc etilgen.
“Qırım sakinlerini yedek benzin satın almamağa ve naqliyat vastalarına adiy rejimde benzin bermege rica etem”, – Aksönov dep qayd etti.
İşğal akimiyetiniñ benzin satıluvını idare etmek qararı, vaqtınca işğal etilgen yarımadada yaqıt teminlevinen bağlı meselelerniñ büyük artqanını köstere. Vaziyetni nezaret altında tutqanları aqqında resmiy bildirüvlerge baqmadan, sıñırlavlarnıñ kirsetilüvi eksiklikni köstere – Qırımtatar Resurs Merkezi qayd ete.