Qırım işğalinden soñra RF yarımadada diniy alãmetke köre taqip adet olıp qaldı. QRM malümatlarına köre, 117 adam ‘Hizb ut-Tahrir’ işi boyunca taqip oluna, olardan 114- qırımtatardır. (2 adam rusiye hapishanelerinde ve koloniyalarda buluna, 28- SİZOda , 2- ev hapisinde, 5 ise azat etilgen edi.
2003 senesi fevralniñ 14-nde rf Yuqarı tribunal 15 islamiy teşkilãtnı, şu cümleden ‘Hizb ut-Tahrir’ni terroristik tanıp, yarımadada olarnıñ faaliyetini yasaq etti. RF mahkeme hüküminiñ sebebiy qısmında ‘Hizb ut-Tahrir’ teşkilãtınıñ terroristik faaliyeti aqqında bir de bir bilgiler yoq. Mezkür qarar adaletli mahkeme printsipleri – aşikãrlıq ve taraflarnıñ musaviyligi bozuvınen qabul olunğan edi.
Bu işler boyunca qabaatlavlar gizli şaatlarnıñ aytqanlarına ve Rf FSBsinen faal işbirlikte bulunğan ekspertlerniñ hulãsalarına esaslanıla. Tintüvler vaqtında tapılğan yasaq islam edebiyatı, FSB malümatları, audioyazuvlardan ğayrı başqa deliller yoq. Faal cemaatçılar diger memleketlerde raat faaliyet köstergen, amma RF-da yasaq etilgen ‘Hizb ut-Tahrir’ teşkilãtınen alãqaları olğanında qabaatlanıla.
RF haqsız şekilde öz huquqnı siyasiy menfaatı içün qullana, ayrıca da qırımtatarlarnıñ zorbalıqsız küreşini bastırmaq maqsadınen. Şundan da ğayrı, işğalcılar ‘Hizb ut-Tahrir’ dava işitirakçilerine qarşı repressiyalarnı arttıra, azatlıqtan mahrum qaldıruv müddetlerini 19 yılğa qadar uzatalar.
‘Hizb ut-Tahrir’ noqtainazarından al-azırda hiç bir ğarbiy devlet, şu cümleden Rusiye de, Halifat ola bilecek şaraitlerge uyğun kelmey. Şundan da ğayrı, teşkilãt faaliyetlerinde terroristik areketlerge yer olmağanını qayd eterek, 75 yıl devamında olar tarafından hiç bir terakt ya da zorbalıqlı ücüm yapılmağanını bildire.
QRM ‘Hizb ut-Tahrir’ davası boyunca bütün hükümlerni lãğu etmege ve siyasiy mahbüslerni azat etmege talap ete.
QRM halqara cemaatçılıqnı RF Qırımda siyasiy taqiplerni bitirmek maqsadınen basqını arttırmaqnı, işğal etilgen Qırımda insan haqlarını bozuvda mesuliyetli şahıslarğa qarşı sanktsıyalar kirsetmekni talap ete.
İşğalniñ bütün zaman içinde qırımtatarlar 18 defa ‘Hizb ut-Tahrir’ davası boyunca tutuqlanıldı:
- Aqyar ‘Hizb ut-Tahrir davası’ – 2015
- Yalta ‘Hizb ut-Tahrir davası’ – 2016
- Bağçasaray ‘Hizb ut-Tahrir davası’-2016
- Aqmescit ‘Hizb ut-Tahrir davası’ -2016
- 2-nci Bağçasaray ‘Hizb ut-Tahrir davası’ – 2017
- Qurman ‘Hizb ut-Tahrir davası’ – 2019
- 2-nci Aqmescit ‘Hizb ut-Tahrir davası’ -2019
- Qarasuvbazar ‘Hizb ut-Tahrir davası’ – 2019
- Aluşta ‘Hizb ut-Tahrir davası’- 2019
- 3-ünci Bağçasaray ‘Hizb ut-Tahrir davası’ -2020
- 4-ünci Bağçasaray ‘Hizb ut-Tahrir davası’ -2020
- 2021 senesi fevral 17 ‘Hizb ut-Tahrir davası’
- 2-nci Aqyar ‘Hizb ut-Tahrir davası’ -2021
- 3-ünci Aqyar ‘Hizb ut-Tahrir davası’ – 2022
- Canköy ‘Hizb ut-Tahrir davası’ – 2022
- 2-nci Canköy ‘Hizb ut-Tahrir davası’ – 2023
- 5-inci Bağçasaray ‘Hizb ut-Tahrir davası’ – 2023
- 6-ncı Bağçasaray ‘Hizb ut-Tahrir davası’ – 2024
Koloniya ve hapislerde:
- Ruslan Zeytullayev
- Enver Bekirov
- Muslim Aliyev
- Emir-Usein Kuku
- Vadim Siruk
- Enver Mamutov
- Zevri Abseitov
- Remzi Memetov
- Rustem Abiltarov
- Teymur Abdullayev
- Rustem İsmailov
- Uzeir Abdullayev
- Ayder Saledinov
- Emil Cemadenov
- Marlen Asanov
- Memet Belãlov
- Timur İbragimov
- Seyran Saliyev
- Server Mustafayev
- Server Zakiryayev
- Edem Smailov
- Rustem Emiruseinov
- Arsen Abhairov
- Eskender Abdulganiyev
- Tofik Abdulgaziyev
- İzzet Abdullayev
- Vladlen Abdulkadırov
- Mecit Abdurahmanov
- Belãl Adilov
- Farhot Bazarov
- Akim Bekirov
- Remzi Bekirov
- Riza İzetov
- Seytveli Seytabdiyev
- Şaban Umerov
- Asan Yanikov
- Raim Ayvazov
- Enver Omerov
- Riza Omerov
- Ayder Cepparov
- Eldar Kantermirov
- Ruslan Nagayev
- Eskender Suleymanov
- Ruslan Mesutov
- Lenur Halilov
- Seytumer Seytumerov
- Amet Suleymanov
- Rustem Seytmemetov
- Osman Seytumerov
- Vadim Bektemirov
- Zekirya Muratov
- Emil Ziyadinov
- Timur Yalkabov
- Raif Fevziyev
- Alim Karimov
- Seyran Murtaza
- Erfan Osmanov
- Servet Gaziyev
- Cemil Gafarov
- Ernes Ametov
- Marlen Mustafayev
- Enver Ametov
- Osman Arifmemetov
- Yaşar Muyedinov
- Ruslan Suleymanov
- Rustem Şeyhaliyev
- Yaşar Şihametov
- Azamat Eyupov
- İsmet İbragimov
- Ernest İbragimov
- Oleg Fedorov
- Ansar Osmanov
- Cebbar Bekirov
- Zavur Abdullayev
- Rustem Murasov
- Rustem Tairov
- Oleksandr Sizikov
- Alim Sufyanov
- Seyran Hayretdinov
- Ernest Seytosmanov
- Murat Mustafayev
- Amethan Abdulvapov
SİZOda:
- Rustem Seythalilov
- Lenur Seydametov
- Timur Yalkabov
- Enver Kroş
- Vilen Temeryanov
- Edem Bekirov
- Rinat Aliyev
- Ekrem Kroş
- Ayder Asanov
- Refat Seydametov
- Osman Abdurazakov
- Leman Zakiryayev
- Halil Mambetov
- Amethan Umerov
- Seydamet Mustafayev
- Ruslan Asanov
- Abdulmecit Seytumerov
- Eldar Yakubov
- Remzi Nimetulayev
- Rustem Osmanov
- Aziz Azizov
- Memet Lümanov
- Mustafa Abduramanov
- Vait Mustafayev
- Ali Mamutov
- Arsen Kaşka
- Enver Halilayev
- Nariman Ametov
Ev hapisinde:
- Seytyagya Abbozov
- Remzi Kurtnezirov
Azat etilgen, amma sıñırlamaları olğan:
- Rustem Vaitov
- Nuri Primov
- Ferat Seyfulayev
- Refat Alimov
- Arsen Cepparov
Azat etilgen, amma tekrar tutuqlanğanlar:
- Ernes Ametov
Hatırlatamız ki, ‘Hizb ut-Tahrir’ – Azatlıq Firqası – özlerini halqara islãmiy siyasiy firqa olaraq tanıtaraq, öz maqsadını islãm devleti –Halifatnı qurmaq yolunen islãm şariatı boyunca hayat tarzını tiklemekni beyan ete. Teşkilãt 1950 seneleri Yaqın Şarqta asıl etildi ve şimdiki zamanda onıñ faaliyeti dünyanıñ 58 memleketinde, şu cümleden Ukraina keçirile.