Tam altı ay evelsi, 2025 s. orta küz ayınıñ 2-nci künü, vaqtınca işğal etilgen Qırımda Kefe vilâyetiniñ Qızıltaş (Krasnokamânka) köyünde 64 yaşındaki Marat Batırov ğayıp oldı, o vaqıttan berli onıñ qayda olğanı belli degil – Qırımtatar Resurs Merkeziniñ İdare reisi ve Qırımtatar Milliy Meclisiniñ azası Eskender Bariyev haber etti.
Bariyevniñ aytqanına köre, bu zorlap ğayıp etüv, bu aqta vaqiadan soñ deral onıñ Facebook saifesinde tafsilâtlı tasvirlendi. Yarım yıl içinde vaqtınca işğal etilgen Qırım ve rusiye gederatsiyasınıñ sıñır rayonlarında adet üzre tutulğan qırımlılar, qanunsız sürette köçürilgen makeme evelki SİZOlarına 19 rica yollanıldı. Yedi müessiseden kelgen cevaplar, aynı resmiy cevapnı tekrarladı – Batırov anda tutulmay ve iç bir vaqıt anda olmağan.
Bariyev, işğalci politsiya hadiminiñ haberinde bulunğan tutuvnıñ qoşma alları belli olğanını bildirdi.
“Bugün men, rusiye regional politsiya bölüginiñ işğalci politsiya serjantı Yu.A. Arefyevnen azırlanğan raport sayesinde, Maratnıñ FSB hadimleri tarafından tutulması ile bağlı qoşma allardan haberdar oldım” – o qayd etti.
Vesiqada, onıñ aytqanına köre, qarşılıqlı sözler bar: aynı vaqıtta tintüv, idda etilgen «âsaq etilgen timsaller ve edebiyat» tapılğanı, cinayette şübelenüv, tutmaq vaqtında mahsus vastalar qullanılğanı aqqında aytıla, amma soñunda cinayetniñ ya da memuriy cinayetniñ alâmetleri tapılmağanı qayd etile.
«Raportqa köre, uquq qorçalav organlarınıñ hadimleri Batırovnıñ kvartirasında tintüv keçirdiler ve rusiyede yasaq etilgen timsaller ve edebiyatnı taptılar. Marat Batırov, idda etilgenine köre, nasıldır cinayet etkeninden şübelene edi. Yaqalanğan vaqıtta Maratnı mahsus donatmalarnen tutqanda, onıñ köçüvini sıñırlay ediler, boynunda ukrayin bayrağı asılıp tura edi. Teşkerüv materialını közden keçirüv neticesinde M. A. Batırovğa nisbeten bir de bir cinayet ya da memuriy cinayet etilgeni aqqında malümat kelmedi – işbu vesiqanıñ soñunda yazıla. Esabatta yazılğan er şeyden soñ tek bir netice çıqa: anda qalabalıq” – Bariyev dep añlattı.
Uquq qorçalayıcısınıñ sözlerine köre, böyle qarşılıqlar tek havfsızlıq küçleriniñ areketleriniñ qanuniyetine şübelerni arttıra ve delillerniñ ola bilir sahtalaştırıluvını farz etmege esas bere. O, em de tutulğan faktnıñ özü insannıñ tutulğan yerini resmiy tasdıqlamadan soñ ğayıp oluvınen beraber olğanını qayd ete.
«Marat Batırov daa bir özbaşınalıq areketiniñ qurbanı oldı ve FSB «qalemniñ bir uruvınen» cinayetçi olaraq belgilengenini añlaymız. Daa, ondan soñ, Batırovğa ait olğan odada tintüv vaqtında tapılğanı idda etilgen bayraq ve yasaq etilgen edebiyatnı uquq qorçalav organları hadimleri özlerinen beraber tintüvge ketirmegenini ve onıñ üstüne saçılmağanını isbatlamaq qıyındır. Faqat, mesele başqa bir yerde. Eger rusiyeniñ Kefede OMVS militsiya hadimi Yu.A. Arefyevnen yazğan raport er şeyni belgiley, demek, tutulğan Batırovnıñ özü tintüvden soñ ne yerde??? Zaten, onı FSB hadimleri qırçma kiydirip maşinağa oturtıp alıp kettiler» – Eskender Bariyev dep qoştı.
Faqat, işançlı menbalardan malümatına köre, Marat Batırov Rostov-na-Donu şeerindeki SİZO-3 buluna. Bütün bu vaqıt devamında onıñ qayda olğanı resmiy sürette tasdıqlanmadı, qorantasında onıñ alına dair malümat yoq.
Vaziyetni tefsir etip, Eskender Bariyev böyle işler adamlarnı gizliden tutmaq ve soy-soplarğa ve advokatlarğa irişmek mümkün olmağan alda ayırmaq ameliyatını köstere, bu ise sistemalı basım ve ola bilir zorbalıqlar içün şarait yaratqanını qayd ete. Onıñ fikrince, böyle ameliyatlar işğal qurulışlarınıñ areketlerinde şeffaflıq ve uquqiy kefaletlerniñ olmağanını köstere.