Herson vilâyetiniñ vaqtınca işğal etilgen territoriyasında rusiyeniñ idaresi «makeme» yerli sakin Natalâ Povetkinanı «Devlet satqınlığı»nda qabaatlap, qanunsız 12 yılğa maküm etti. Bu aqqında Herson vilâyetiniñ işğal prokuraturası haber etti.
İşğal teşkerüviniñ versiyasına köre, 2023 senesi qural ayında qadın, idda etilgenine köre, rusiyeniñ askerleriniñ yerleştirüvleri aqqında malümat toplap, onı mesencerlerde Ukrayina mahsus hızmetleriniñ vekillerine «yibere edi». İşğalci akimiyeti bu malümatnı rus küçlerini yeñmek içün qullanmaq mümkün edi, dep idda ete.
«Makeme devlet prokurorınıñ mevamını köz ögüne alıp, Povetkinağa 1 yılğa serbestlikni sıñırlav ve 100 biñ rubl cöreme ile 12 yılğa apishanege maküm etti», – haberde qayd etile.