15 aprelde Sofiya şeherinde Halqara Qırım platformasınıñ havfsızlığı boyunca II Qaradeñiz konferentsıyası olıp keçti: elde etilgenler ve kelecekke adım.
Konferentsıyada 42 memleket ve 8 halqara teşkilãtnıñ temsilcileri iştirak etti.
‘Rusiyeniñ yeñilmesi ve Ukraina territorial bütünliginiñ tolusınen tiklenilmesi Qaradeñiz rayonınıñ havfsızlıq, inkişafını temin ete bilir. Ukraina yeterli destek körgeni alda bunı elde ete bilir. Bu maqsatqa yetmek içün acele sürette Patriot ve avada mudafaa sistemaları, silãhqa ihtiyacımız bar. Fursattan faydalanıp, ortaqlarımıznı cesür ve emin adımlar atmağa çağıram’, – muracaat etti Ukraina çetel işler Naziri Dmitriy Kuleba.
AQŞ devlet kãtibi Entoni Blinken şunı qayd etti ki, AQŞ ve bütün dünyadaki demokratiya içün Ukrainanıñ muvafaqiyeti pek emiyetlidir ve Putin Ukrainağa qarşı cenk başlaması büyük hatadır.
‘O, her alda Ukrainanıñ qomşuları, Avropa ve Ğarp bölüneceklerine ve Ukrainağa destek köstermeycegine inana edi. Amma her yerde Putin hata etti. Ukrainanıñ cesür askerleri ve olarnıñ tarafdarları rf tarafından işğal etilgen territoriyalarından hiç olmağanda yarısı qorçalap oldılar’,- dedi o.
QRM eksperti, ekolog Yevgeniy Hlobıstov konferentsiyadan öz teessuratlarını paylaştı.
‘ Rusiye başlatqan cenk bütün halqara havfsızlıq sistemasına büyük zarar ketiridi. Ayrıca da işdeşlerimiz territoriyalarımızda başlatılğan arbiy areketler ve cenkniñ neticesinde etraftaki tabiatqa berilecek zararnı közde tutmaq zarurlığını urğulay ediler’,- izaat etti o.
Onıñ aytqanına köre, qırım mevzuatı umumiy halqara havfsızlıq sistemasına diqqat arttırılğanına siltem berdi.
‘Yazıq ki, şunı qayd etmelimiz ki, sabit ve havfsız kelecegimiz Ukraina NATO ve AB qoşulmasınen kerçekleşile bilir, bu da bayağı iş talap ete. Maallesef, bu fikirge NATO ve AB azalarından qol tutqanlar episi degil ve AQŞ ve ittifaqdaşlarımız tarafından Ukraina ve Qaradeñiz regionı içün havfsızlıq modeli belgilenmedi. Lãkin ğalebe ümütini hiç coymayıp, sabit istiqbalimizge doğru adımlaymız’,- netice çıqardı o.
Hatırlatamız ki, QRM ekspertleri Qırım platformasınıñ eki ekspert iş gruppasınıñ faal iştirakçileridir.