Qırımtatar Resurs Merkeziniñ İdare reisi ve Qırımtatar Milliy Meclisiniñ tışqı munasebetler ve insan aqları qorçalayıcı faaliyeti bölüginiñ müdiri Eskender Bariyev, Meclis delegatsiyası terkibinde, Antaliya diplomatik forumında iştirak ete. Antaliya diplomatik forumı 2026 senesi çiçek ayiniñ17-19 künü keçirile.
Forumda iştirak eteler: qırımtatar halqınıñ lideri Mustafa Cemilev, Meclisniñ reisi Refat Çubarov, Meclisniñ reis muavini, Ukrayina halq deputatı Ahtem Çiygoz, Qırımtatar Resurs Merkeziniñ İdare reisi ve Qırımtatar Milliy Meclisiniñ azası Eskender Bariyev, Fevqulâde ve Salâhiyetli Türkiyedeki Ukrayina elçisi Nariman Celâl, Qırım milliy amanlığı fondunıñ reisi Lenur Mambetov, Qurultay delegatı Şevket Usmanov ve digerleri.
Forum Recep Tayip Erdoğannıñ şefaatı altında ve Türkiye tış işler nazirliginiñ destegi ile keçe. Bu yılki şiar: «Kelecekni Planlaştıruv, Bellisizliklerni İdare etüv»(Mapping Tomorrow, Managing Uncertainties). Forumda dünyanıñ 150-ge yaqın memleketiniñ vekilleri iştirak eteler, olarnıñ arasında 20-den ziyade devlet ve ükümet başlıqları, em de nazirler ve yüksek mertebeli resmiy adamlar bar.
Muzakerelerniñ esas mevzuları: cenkler ve davalar (hususan Ukrayina, Ğaza, İran), havfsızlıq meseleleri, regional inqirazlar ve dünya geosiyaseti.
Bundan da ğayrı, forum devamında Ukrayina tış işler naziri Andriy Sıbiğa endi çıqış etmege nail oldı, anda o qayd etti:
“Ukrayinanıñ qarşılıq kösterüvi ve sebatı soñsuz cenk içün mazeret olmamalı. Biz bu cenkni bitirmege isteymiz. Bizim onı bitirmek içün fırsatımız bar. Biz er bir imkândan faydalanamız. Şunıñ içün men mında bu areketlerni tezleştirmek içün keldim. Bu cenkni ikmal etmek kerekmiz.”
Antaliya forumı endi özüni «diplomatik Davos» olaraq tasdıqladı, mında halqara davalarnı eñ mürekkep tarafları resmiy olmağan ve konstruktiv müitte muzakere etile – Eskender Bariyev qayd etti.
Bu sene forumda aynı vaqıtta 15-ke yaqın vitse-prezident ve vitse-premyer, 50-den ziyade nazir (olardan 40-tan ziyadesi tış işler nazirleri), 460-tan ziyade yüksek rutbeli musafirler, olarnıñ arasında 75 halqara teşkilâtlarnıñ vekilleri, em de 5 biñge yaqın musafir, şu cümleden akademik dairelerniñ vekilleri iştirak eteler.
« Forum muzakereleri neticesinde dünyada dünyağa tarqalğan stabilligini pekitmek içün yañı yönelişler işlep çıqılacağını umüt etem», – QRM İdare reisi qayd etti.
Qırımtatar Milliy Meclisi delegatsiyanıñ forumda iştirak etmesi aqqında bilmek içün bizni közetiñiz.