Kiyev halqara içtimaiyat institutı ‘Küçlü Ukraina oğrunda işbirlik’ Fondu’ Programmasınıñ teşebbüsi ile Ukrainada yaşağan qırımtatarlar arasında araştırma keçire.
Mezkür araştırmanıñ esas maqsadı – Qırım reintegratsıyası ve deokkupatsıyası meselelerine dair Ukraina sakinleriniñ mevamını añlamaq, Ukrainada içtimaiy birlikni qaviyleştirmek yollarını belgilemek, Qırımnıñ deokkupatsıyasınen bağlı çatışmalı meselelerni yımşatmaq.
Ayrıca, QRM reisi, qırımtatar Milliy Meclisi azası Eskender Bariyev mezkür meseleler boyunca intervyu berdi, tünevin ise 7 avgustta mahsus fokus-gruppada iştirak etti.
Subetke 50-den ziyade yaşta qırımtatarlarnıñ 8 temsili qoşuldı. Olar, Ukrainada bulunğan qırımtatarlarnıñ vaziyetinen bağlı meselelerni, Qırımnıñ kelecegi, ukrainler ve qırımtatarlar arasında munasebet kibi mevzularnı muzakere ettiler.