QRM Qırımtatar bayraq künü munasebeti ile içtimaiy ağlarda iformatsıon kampaniyanı başlay. Pervasız olmağan her bir adamnı, vatandaşnı, vatanperverni bizge qoşulmağa çağıramız!
2014 senesi Rusiye Qırımnı işğal etken soñra qırımtatarlar öz ukraintaraflı mevamları sebebinden repressiyalar altında qaldılar. Yaqalama, tutuqlama, sorğular, öldürüv- bunlar hepisi tamır halqnıñ başına keldi. Böyle şartlarda qırımtatar bayrağı tek qırımtatarlar içün degil de, bütün Ukraina içün Qırım oğrunda küreş timsali olıp qaldı. Tamır halqnıñ öz serbestligi, haqları oğrunda boysunmağanlarınıñ timsalidir.
Al-azırda ise, Ukraina içün bu qadar zor zamanlarda, rusiye-ukrain cenki şaraitlerinde küreşimizni birlikte devam etmelimiz. Ukrain ve qırımtatar halqlarınıñ bayraq tüslerinden ğayrı aynı maqsadları da bar- serbest, bütün, mustaqil Ukraina! Tamır qırımtatar halqına birdemlik adına Qırımtatar Bayraq kününe resmiy statusnı bermek pek emiyetlidir.
Ğalebege doğru hep birlikte!
‘Eki bayraq- bir istiqbal’ aktsıyasına qoşulıñız ve @Volodımir Zelenskiyge Qırımtatar Bayraq kününe resmiy status bermek muracaatını bulundırğan plakatımıznı darqatıñız. Bizni daha yahşı eşitsinler, dep #LIBERATECRIMEA heştegini unutmañız!
Kampaniyamızğa qoşulmaq içün içtimaiy ağlarda sahifelerimizge bağlantı ile keçiñiz.
Facebook: https://www.facebook.com/CTRC2015 https://www.facebook.com/liberatecrimea
Twitter: https://twitter.com/ctrcenter
Instagram: https://www.instagram.com/ctrc_center/
Telegram: https://t.me/LIBERATECRIMEA