Büyük Britaniya tarafından rusiyege qarşı ilãn etilgen sanktsıyalar yañı harbiy tehnikanı almaqnı zorlaştırılmasına ve Moskvanıñ ‘sermiya menbalarnı’ kestirilmesine doğrultılğandır. Bu aqta britan hakimiyetiniñ saytında bildirile.
Rusiyenen bağlı 86 vatandaş ve yuridik şahısqa qarşı sanktsıyalar kirsetildi: harbiy tehnologiyalarnı işlep çıqarılması, ukrain boğdaynı çıqartılması, rusiye energiyataşıyıcılarnen temin etilmesinen bağlı şirketler. Pawell Shipping Co ve Devlet boğday korporatsıyanı britan hakimiyeti ‘ukrain boğdaynı hırsızlağanında’ qabaatlay.
Şundan da ğayrı, naqliyat hızmetinen bağlı 24 şirketke qarşı da sanktsıyalar kirsetildi. Devlet tarafından maddiy temin etilgen 9 teşkilãt ta cedvelge kirsetildi.
Britan hakimiyeti bildirgenine köre, Moskava Ukrainağa tazminat tölemege razı olmağance rusiye esapları qapalı olacaq.