15 aprelde, bazarertesi künü Nyu-Yorkta OON ştab kvartirasında tamır halqlar meseleleri boyunca daimiy forumnıñ 23-ünci sessiyası başlay. Tedbir 26 aprel kününe qadar devam etecek. Mezkür forumda QRM taqımı faal iştirak etecek. Ayrıca Qırımtatar Resurs Merkeziniñ reisi, qırımtatar Milliy Meclisiniñ çetel işler ve huquq meseleleri boyunca idaresiniñ başı Eskender Bariyev ve QRM yuristi Lüdmila Korotkih tedbirde iştirak etmek içün AQŞ kelip çıqtılar.
Hatırlatamız ki, OON tamır halqlar meseleleri boyunca daimiy forumı- tamır halqlarnıñ iqtisadiy ve içtimaiy inkişafı, medeniyet, etraftaki tabiat, tasil, sağlıq ve insan haqlarınen bağlı meselelerinen oğraşqan aliy mesleat organıdır.
Bizni taqip etip, mezkür tedbir ve Ukraina tamır halqlar temsilcileriniñ iştiragı haqqında daha çoq ögreniñiz.