Qırımtatar Resurs Merkeziniñ reisi Eskender Bariyev ve QRM meneceri Lüdmila Korotkih afta devamında 17 aprelde başlağan BMT(OON) tamır halqlarnıñ meseleleri boyunca Daimiy Forumnıñ işinde faal iştirak etmekteler.
QRM reisi BMT(OON) tamır qırımtatar halqnıñ vaziyeti, işğal etilgen Qırımda ve Ukrainanıñ cenübinde rusiye işğalcıları Ukraina tamır halqına köstergen basqı ve taqipler haqqında tarif etti.
Rf-nıñ qarşılığını çoq beklemege acet qalmadı. Rusiyeniñ resmiy temsilcisi Eskender Bariyev ve Lüdmila Korotkihniñ çıqışlarına ‘yalan’ dedi . Onıñ aytqanına köre, rusiye qırımtatar halqınıñ haqlarını hiç bir vaqıt bozmadı. Bu arada, qırımtatar halqını ‘qırımtatar rusiye cemaatı’, dep adlandırdı.
Biz ise qırımtatar halqınıñ haqlarını qorçalav ve amelge keçirüvi oğrunda işimizni devam etmektemiz.