On Monday, June 20, the Crimean Tatar Resource Center held a meeting with representatives of the Center for Humanitarian Dialogue, during which the interlocutors discussed methods for monitoring the state of the ecosystem in the temporarily occupied territories of Crimea and the Donbas.
Tedbirde ACTA Conseilstan Laurent Nicole işdeşi Dmitriy, Qırımtatar resurs merkeziniñ reisi, qırımtatar Milliy Meclisi çetel işler ve huquq meseleleri boyunca idaresiniñ başı Eskender Bariyev, QRM meneceri Zarema Bariyeva iştirak ettiler.
Gumanitar dialog merkeziniñ faaliyet yönelişlerinden biri – ekologik monitoring. Subet devamında musafirler faaliyetleri, ayrıca da işğal etilgen Donbass territoriyalarında ekosistemanıñ vaziyetini ögrenüv usullarını añlattılar.
Öz tarafından ise Eskender Bariyev QRM nasıl usul boyunca malümat toplap, işğal etilgen Qırımda ekosistemanıñ bozuvı ile bağlı vaziyetni resmiy qayd etkeninen paylaştı.
‘QRM qullanğan usullarından biri- közetüv. Mezkür usulnı Zaporojye ve Herson vilãyetlerinde yaşağan faal cemaatçılar sayesinde amelge keçire bilemiz’,- dedi o.
Zarema Bariyeva körüşüv iştirakçilerini bahs etilgen mevzu boyunca QRM analitik malümatlarınen tanış etti. Şundan da ğayrı, musafirler ‘Qırım. Suvsuzlıq’ vesiqalı film haqqında haberdar oldılar. Añılğan filmniñ muellifleri Qırımtatar resurs merkezi ve ‘Mir i Ko’ hayriye fondudır.
Subetdeşler ilerideki işbirlikleri, şu cümleden işğal etilgen territoriyalarda monitoring usullarınen bağlı bilgilerinen paylaşacaqları haqqında añlaştılar.
Gumanitar dialog merkeziniñ temsilcileri QRM-ne ekologik meselelerinen oğraşqan halqara teşkilãtlarınen bağ qurmağa yardım eteceklerine işandırdılar.