Ukraina prezidenti Vladimir Zelenskiy siyasiy mahbüs ve esirlerniñ ve olarnıñ aile azalarınıñ içtimaiy ve huquqiy qorulması haqqında qanunnı imzaladı.
‘Bugün Yuqarı Şurası tarafından qabul olunğan ‘Ukrainağa qarşı cenk neticesinde azatlıqtan mahrum qaldırılğan ve olarnıñ aile azalarınıñ içtimaiy ve huquqiy qorulması haqqında’ qanunnı imzaladım’,- dedi Zelenskiy.
Prezident qayd etkenine köre, qanun rusiye askeri tarafından repressiyağa oğratılğan bütün barışıq insanlarnı qoruycaq.
Hatırlatamız ki, QRM bildirgenine köre, Qırım işğali devamında 243 siyasiy mahbüs ve cezası davalar boyunca taqıp olunğan qayd etildi. Olardan 173- qırımtatar. Daha da tafsilãtlı malümatnı ‘Qırım işğali qurbanları’ diagrammasından ögrenmek mümkün.