On Friday, April 15, the team of the Crimean Tatar Resource Center held an online meeting with representatives of the Rafal Lemkin Center for Documenting Russian Crimes in Ukraine of the Pilecki Institute (Poland).
Körüşüvde merkez temsilcileri Yerj Rogojinski ve Erik Habovski, Qırımtatar resurs merkeziniñ reisi, qırımtatar Meclisi çetel işler ve huquq meseleleri boyunca idaresiniñ başı Eskender Bariyev, QRM menecerleri Zarema Bariyeva ve Lüdmila Korotkih iştirak ettiler.
Piletskiy İnstitutınıñ Rafael Lemkin adına Ukrainada rusiye cinayetlerni qayd etüv merkezi Ukrainağa qarşı RF başlatqan cenk ketişatında biñlernen insan zarar körmesine sebepçi olğan arbiy cinayetlerni qayd etmekte.
Şundan da ğayrı, QRM kelecekte mezkür cinayetler halqara mahkemelerde baqılması içün qullanılsın degen maqsadınen hazırlanğan sualler cedvelinen paylaştı.
Şunı qayd etmege kerek ki, böyle kibi qaydlar tarihiy cehetten pek mühimdir.
Teşkilãtlar temsilcileri işibirlik haqqında memorandumnı imzalamasını muzakere etip, birlikte yapılacaq işlerniñ yönelişlerini belgilediler.
‘Ğayretlerimizni birleştirip, 21 asırda insaniyetlikke qarşı cinayetlerni qayd etip, kelecek nesillerge ukrain halqına qarşı genotsid haqqında malümatnı yetkize bilirmiz. Böyle kibi cinayetler yüz bermemesi içün elimizden kelgenini yapmağa devam etecekmiz,’- qayd etti Bariyev.