The occupiers continue to persecute representatives of the indigenous Crimean Tatar people in the Zaporizhzhia and Kherson regions. The Crimean Tatar Resource Center became aware of a number of other detentions.
Bugün, aprelniñ 15-inde Geniçesk rayonı Novoalekseyevka köyünde bir aileniñ maşnası toqtatıldı: Eskender ve Fatima Fuka, oğulları Reşat. Vesiqalar teşkerilgen soñra baba ve oğul tutuqlanıp, belgisiz tarafqa alıp ketirildi. Fatima Fuka ile evlerine ketip, qanunsız tintüv keçirildi.
Tünevin, aprelniñ 14-ünde Kalançak köyünde Rustem Osmanovnıñ evine de qanunsız tintüv ile kirildi ve erkek Aqmescitke alıp ketirildi. Şimdilik belli olğanı qadar, qırımtatarnı Noman Çelebicihan adına batalyonda iştirak etkeninde qabaatlaylar.
Şundan da ğayrı, Melitopolde ‘kadırov’lar Dilãver Seytumerovnıñ evine de qanunsız kirdiler. Olar BTRnen kelip, ev pencerelerini sındırıp, qapılarnı yıqıp kirdiler, evniñ içini darma-dağın yaptılar. Dilãver Seytumerovnıñ ailesi Melitopolden tış havfsızlıqta bulunmaqta.