On Tuesday, January 25, a meeting with the Ambassador Extraordinary and Plenipotentiary of the State of Israel to Ukraine Michael Brodsky was held at the office of the Mejlis of the Crimean Tatar people. The diplomat was told about the situation in the occupied Crimea, and the Head of the Board of the Crimean Tatar Resource Center Eskender Bariiev spoke about the mechanism for bringing to justice those responsible for violating human rights on the peninsula.
Körüşüvde Ukrainada İsrail Devletiniñ Fevqulade ve Vekãletli elçisi Mihael Brodskiy, elçilikniñ hadimi Aleksandra Ben Ari, qırımtatar Milliy Meclis reisi Refat Çubarov, Meclis reisiniñ muavini İlmi Umerov, Qırımtatar resurs merkeziniñ reisi, qırımtatar Meclisi çetel işler ve huquq meseleleri boyunca idaresiniñ başı Eskender Bariyev, Meclis azaları Gayana Yüksel ve Riza Şevkiyev iştirak ettiler.
Elçige işğal etilgen Qırımda insan haqları bozuluvınen bağlı vaziyet añlatıldı. Eskender Bariyev elçige QRM tarafından hazırlanılğan 2021 senesi işğal etilgen Qırımda insan haqlarını bozuvlarınıñ talilini taqdim etti ve haqlar bozuvlarını belgilemek pek ehemiyetli olğanını qayd etti. Erte ya da keç, cinayet işlegenler cezasını çekmeli.
QRM reisi Eskender Bariyev teşkilãtınıñ esas faaliyeti haqqında añlattı. İşğal etilgen Qırımda insan haqlarınıñ bozuluvında qabaatlılarnı mesuliyetke çekmek ve kelecekte bozuvlarınıñ aldını almaq içün QRM elçige İsrailde ‘Magnitskiy Aktı’ misalinde ve işğal etilgen Qırımda insan haqlarınıñ bozuluvı içün mesuliyetli şahıslarğa qarşı şahsiy sanktsıyalarnı közde tutqan qanunnı qabul etmege teklif etti.