On Wednesday, October 27, a meeting with a delegation of the Senate of the Parliament of the Czech Republic was held in the office of the Mejlis of the Crimean Tatar people. The diplomats discussed the situation in the occupied Crimea, and the Head of the Board of the Crimean Tatar Resource Center Eskender Bariiev spoke about the mechanism for bringing to justice those responsible for human rights violations on the peninsula.
Toplaşuvda Senat reisiniñ muavini İrji Rujıçka rehberliginde Çehiya Cumhuriyetiniñ Parlament Senatı eyeti, qırımtatar Milliy Meclis reisi Refat Çubarov, Meclis reisiniñ muavini İlmi Umerov, Qırımtatar resurs merkeziniñ reisi Eskender Bariyev ve Meclis azası Gayana Yüksel iştirak etti.
Qırımtatar Milliy Meclis temsilcileri diplomatlarnı işğal etilgen Qırımda insan haqlarını bozulmasınen bağlı vaziyet, Qırım tamır halqına qarşı repressiyalar, milliy ve diniy mensüpligine köre basqılar haqqında haber ettiler.
QRM reisi Eskender Bariyev teşkilãt faaliyetiniñ yönelişleri haqqında ayttı. İşğal etilgen Qırımda insan haqlarınıñ bozuluvı içün mesuliyetke çağırmaq ve ileride bozuvlarnıñ aldını almaq maqsadınen QRM reisi Çehiyada ‘Magnitskiy Aktı’ misalinde qanun çıqarmağa teklif etti. Mezkür qanun işğal etilgen Qırımda insan haqlarını bozğan şahıslarğa nisbeten şahsiy sanktsıyalarnıñ kirsetilmesini közde tuta.
Şundan da ğayrı, Bariyev qayd etkeni kibi, RF tarafından qırım faal cemaatçılarğa nisbeten sistemli şekilde tutuqlama, yaqalama, para cezalarnı mahküm etmeler yüz bermekte. FSB divarlarında 100-den ziyade siyasiy mahbüs bulunmaqta. Şunıñ içün Bariyev QRM ve #LIBERATECRIMEA halqara areketi tarafından başlatılğan ‘Atalıq’ kampaniyası haqqında hikãye etti.
‘Mezkür teşebbüs boyunca ukrain parlamentariyaları, Avropa Parlamenti ve Avropa ülkelerniñ milliy parlament deputatları rus işğalcıları tarafından hapiske alınğan ya da taqip etilgen qırım sakinlerini öz imayeleri altına ala bileler’,-qoştı o.