Svetlana Andruşçenko, ilimler namzeti, Taras Şevçenko adında Kiyev milliy universitetiniñ halqara munasebetler İnstitutınıñ dotsenti dünyanıñ zemaneviy geopolitik tertibi ve dünya siyasetiniñ tendentsıyaları haqqında añlattı.
Qırımtatar resurs merkeziniñ reisi, qırımtatar Meclisi çetel işler ve huquq meseleleri boyunca idaresiniñ başı Eskender Bariyev #LIBERATECRIMEA halqara areketi, onıñ meydanğa kelmesi, maqsat ve vazifeleri, amelge keçirilgen ğaye ve amelleri haqqında hikãye etti.
Spikerniñ aytqanına köre, areketniñ faaliyeti vatandaşlıq cemiyetniñ Qırım işğali, halqara huquqnıñ qaba şekilde bozulmasınıñ toqtatılmasını talap etken ses daha çoq eşitilsin, dep ğayret köstermekte.
Bariyev #LIBERATECRIMEA çerçivesinde amelge keçirilgen teşebbüsleri, ayrıca da, ‘Bayraq ile birleşkenler-#LIBERATECRIMEA’ aktsıyası, ‘Kandidat, Qırım kimniñ olğanını ayt’ kampaniyası, halqara yaz azatlıq lageri ve diger faaliyeti haqqında añlattı. Şundan da ğayrı, ekspert körüşüv iştirakçlerini ‘Qırım platforamsı’nıñ faaliyeti, strukturarı, maqsat ve vazifelerinen tanıştırdı.