On Wednesday, June 16, a discussion took place in the Crimean House, during which statesmen and human rights activists recalled the political prisoners of Crimea. Head of the Board of the Crimean Tatar Resource Center Eskender Bariiev emphasized the importance of the campaign MP, Help the Prisoners of the Kremlin!, in the framework of which MPs of Ukraine can take patronage over political prisoners and protect their rights.
Spikerler:
Ahtem Seytablayev, ‘Qırım evi’niñ yolbaşçısı;
Anton Korineviç, Qırım Muhtar Cumhuriyetinde Ukraina Prezidentiniñ daimiy temsilcisi;
Refat Çubarov, qırımtatar Milliy Meclis reisi;
Ahtem Çiygöz- halq deputatı;
İlmi Umerov, qırımtatar Milliy Meclis reisiniñ muavini;
Eskender Bariyev, QRM reisi;
Denis Savçenko, ‘QırımSOS’ teşkilãtınıñ reisi;
Vladimir Baluh, sabıq siyasiy mabus.
Eskender Bariyev Qırımtatar resurs merkezi tarafından işlep çıqarılğan ve teşkilãtnıñ saytında 4 tilde daima çalışıp, siyasiy mabuslarnıñ aktual sayısını, Qırım işğali devri içinde ğayip olğan insanlarnıñ sayısını aks etken ‘Qırım işğaliniñ qurbanları’ adlı diagramması haqqında hikãye etti. Şimdiki zamanda, QRM malümatlarına köre, 231 siyasiy mabus bar.
Qırımtatar Meclis azası ‘Deputat, Kreml esirlerine yardım et’ kampaniyası haqqında hatırlattı. Kampaniya çerçivesinde Ukraina halq deputatları siyasiy mabuslarını öz imayeleri altına alıp, haqlarını qorçalaybileler.
‘Hiç olmağanda bir deputat öz imayesi altına bir siyasiy mabusnı alıp, bu yönelişte ciddiy çalışmağa başlağanı pek mühimdir. Böyle etip, diger ülkelerge tesir etilir ve neticede avropa deputatları da siyasiy mabuslarnıñ meselelerinen oğraşacaqlar’,- añlattı Bariyev.