Şunı da hatırlatamız ki, QRM tarafından ‘Qırım işğaliniñ qurbanları’ diagramması işlep çıqarılğan edi. Diagramma saytta 4 tilde çalışacaq ve Qırımda işğal zamanında ğayıp olğan, elãk olğan, hapiske alınğan adamlarnıñ miqdarını aks etecek.
Bugünge, QHM bildirgenine köre, işğalcı hakimiyet tarafından taqip etilgen ve hapiske alınğan insanlarnıñ sayısı 230, olardan 158 qırımtatarıdır. Taqip etilgenniñ vaziyetine köre, 5 madde ayırıla:
-‘Mahküm etilgen ve müstemlekede bulunğanlar’ (59, 36- qırımtatar);
-‘Sıñırlanma ya da sınama müddetinde’ olğanlar(31, 20- qırımtatar;
-Hapiste (60, 44-qırımtatar);
-Azat etilgen(48, 32- qırımtatar);
-taqip altında(32, 26- qırımtatar);
QRM malümatlarına köre bugünde bugün Qırım işğalinden başlap, 55 adam elãk oldı, olardan 25- qırımtatar. Bu kategoriya böyle maddelerden ibaret:
-siyasiy repressiyalar qurbanları (2 qırımtatar);
-diskriminatsıya qurbanları(11, 9 qırımtatar);
-terror qurbanları(30, 8 qırımtatar);
-polis qurbanları(12, 6- qırımtatar).
QRM bazasınıñ üçünci kategoriyası Qırım işğalinden berli ğayip olğanlarnıñ sayısını aks ete. Umumen 21 adam ğayıp oldı, olardan 15 qırımtatar. Ğayıp olğanlardan 9 qırımtatarı qıdırılmaqta, 12 adam ise, şu cümleden 6 qırımtatarı, qıdırılmay.