‘Deñizaltılar cenk hazırlığı poligonına keçip, bir sıra hazırlıq meşğuliyet yapıp, atış keçirmek içün deñizniñ belli bir terenligine daldılar. Deñizastı gemiler qoyulğan vazifelerini muvafaqiyetnen becerip, suv tübünden atış talimlerini keçirdiler,’- denile haberde.
Hatırlatamız ki, işğal etilgen Qırımda muntazam şekilde talimler keçirilmekte, arbiy hızmetke, Rusiye Federtasıyasınıñ silãhlı küçler saflarına çağırıla. Mezkür talimler yarımadanıñ ekosistemasına zarar ketire ve halqara huquqnıñ ciddiy bozulması sayıla.
Evelden de NATO Qırım boyunca beyanatında Qırımda Rusiye arbiy küçleriniñ arttırılmasını yahşı tanımağanını ve Rusiyeniñ bu sahada ilerideki planlarına dair endişesini bildirgen edi.