The Ministry of Foreign Affairs of Finland has reiterated its steadfast and unyielding position in support of the independence, sovereignty and territorial integrity of Ukraine. The ministry stressed that Finland will never recognize Crimea as part of Russia.
Finlãndiya Ukrainanıñ territorial birligi, suverenitet ve mustaqilliginiñ tarafdarı olğanını ve Qırımnı Rusiyeniñ bir qısmı olaraq qabul etmegenini bildire. Finlãndiya qanunsız işğalge dair AB-nıñ umumiy siyasetine riayet ete ve Rusiyege qarşı sanktsıyalarnı amelge keçire. Finlãndiya Ukraina territorial birliginiñ tiklenilmesine yöneltilgen halqara ğayretlerine qoltuta’,- denile beyanatta.
Bundan da ğayrı, Finlãndiya Qırım yarımadasında insan haqlarınen bağlı vaziyetnen endişelene. Qanunsız anneksiya Qırım sakinlerine öz medeniyet, özgünlik ve diger esas haqlarını saqlamaq imkãnlarını telükege oğrata. Qanunsız yaqalama ve mahkeme cezaları, mecburiy arbiy hızmet ve diger basqılar eñ-evelã qırımtatarlar ve ukrainlerge doğrultılğandır.
‘Finlãndiya qanunsız hapiske alınğan ve mahküm etilgen insanlarnı azat etmek, insan haqlarını bozuv adiselerini tetqiq etmek ve qabaatlılarnı mesuliyetke çağırmaqnıñ mühimligini ayrıca qayd ete. Halqara huquqoruyıcı ve gumanitar teşkilãtlar Qırım yarımadasına serbest kirmek imkãnlarına malik olmalılar,’- qayd etildi beyanatta.