For the first time, since the day of the verdict, the defendant in the so-called Bakhchisaray Hizb ut-Tahrir case Marlen Asanov and his wife were given a short meeting. The political prisoner does not complain about anything and passes the challenge with dignity. The Crimean Tatar Resource Center was informed about this by his wife Aishe Asanova herself, adding that upon arrival, the translation of the Quran was taken from Asanov and has not yet been returned.
''Aqayımnen qısqa körüşüvim oldı. Ömür arqadaşımnen soñki sefer ükümi ilân etilgende körüşken edim, o vaqıt, elbette, pek qıyın alda edim, işbu adaletsizlikten köz yaşlarım toqtamay aqa edi, çünki aqayım başqa adamlarğa tek yahşılıq etip, bergilerni de tolu şekilde töley edi! Onıñ içün bularnıñ episi ale daa aqılıma yatmay, katiller bile böyle sert ükümlernen cezalanmay'', – dep haber etti o.
Ayşe hanımnıñ qayd etkenine köre, aqayı iç bir şeyge şikâyet etmeyip, sınavdan ürmetke lâyıq şekilde keçe. Pek çoq tarihiy kitaplar oquy. Amma 5-nci tevqifhanege kelgen soñ, ondan Qoran tercimesini tutıp alğanlar ve ale daa qaytarmağanlar.
''Balalarımıznen bağlı olğan er şeynen, COVİD-19 salğını munasebetinen olarnıñ sağlıqlarınen, mektepteki derslerinen, boş vaqıtlarında nelernen oğraşqanlarınen ve buña benzer şeylernen meraqlana. Kezintilerge çıqa, anda sportnen oğraşa, taze avada nefes ala ve töpede qafesiniñ telleri arasındaki kökni köre'', – dep bildirdi Ayşe Asanova.
Ayşe hanım ömür arqadaşı iç bir şeyge peşman olmağanını, dindarlar ve peyğamberler er zaman iman etkenleri içün apishanelerde oturğanını bildirdi.
Siyasiy mabus oña mektüpler yazğan, onıñ azat etilmesi içün küreşken insanlarğa öz minnetdarlığını bildirdi.
Hatırlatamız ki, 2017 senesi oktâbrniñ 11-de Bahçisarayda işğalciler qırımtatarlarnıñ evlerinde kütleviy tintüvler keçirdiler. Tintüvlerden soñ Marlen Asanov, Server Zekiryayev, Memet Belâlov, Seyran Saliyev, Ernes Ametov ve Timur İbragimovnı yaqaladılar. Olarnı Rusiye CK-niñ 205.5 maddesine binaen (Rusiye Federatsiyasınıñ qanunlarına binaen terrorstik olaraq tanılğan teşkilâtnıñ faaliyetinde iştirak etüvde) qabaatladılar.
2018 senesi mayısnıñ 21-de işğal etilgen Qırımda Rusiye quvetçileri "Qırım birdemligi" birleşmesi faalleriniñ evlerinde tintüvler keçirip, Server Mustafayev ve Edem Smailovnı yaqaladılar. Olarnı da Rusiyede yasaq etilgen "Hizb ut-Tahrir" teşkilâtında iştirak etkenlerinde qabaatladılar.
2019 senesi fevral ayında Bahçisaraydaki ekinci "Hizb ut-Tahrir davasınıñ" 8 mabüsi – Marlen Asanov, Server Zekiryayev, Memet Belâlov, Seyran Saliyev, Ernes Ametov, Timur İbragimov, Edem Smailov ve Server Mustafayevge qarşı Rusiye Ceza qanunnamesiniñ 278 maddesi boyunca (quvet yolınen akimiyetni elge keçirüv) cinaiy davanı açtılar.
Martnıñ 5-de Bahçisaraydaki ekinci "Hizb ut-Tahrir davasınıñ" eki mabüsi – Timur İbragimov ve Memet Belâlovğa qarşı qabaatlavlarnı Rusiye Ceza qanunnamesiniñ 205.5 maddesi ekinci qısmından ("terrorist teşkilâtında iştirak etüv") birinci qısmına ("terrorist teşkilâtı faaliyetini teşkil etüv") deñiştirip quvetleştirdiler.
Berim ayınıñ 16-da Cenübiy okrugınıñ arbiy mahkemesi Bahçisaraydaki «Hizb ut-Tahrir» davasınıñ iştirakçilerine ükümler çıqardı. Suleyman Asanov qattı tertipli koloniyada 19 yılğa, Memet Belâlov 18 yılğa, Timur İbragimov 17 yılğa, Seyran Saliyev 16 yılğa, Server Mustafayev 14 yılğa, Server Zekeryayev 13 yılğa, Edem Smayilov 13 yılğa azatlıqtan marum etildi. Ernes Ametov qabaatsız tanılıp, mahkeme salonında azat etildi.