More than 500 Crimeans from the occupied Sevastopol will be sent to serve in the Black Sea Fleet and the troops of the Southern Military District during the autumn draft of 2020. This was reported by the press service of the Russian Defense Ministry.
Orduğa çağırılğanlarınıñ birinci qısımı Aqyarnıñ toplanuv noqtasından ekim ayınıñ 14-de yolğa çıqacağı qayd etile.
''Arbiy bölüklerge kelgen gençler 14 künge ayrı bir kazarmağa yerleştirilecekler, sağlıq vaziyetleri daimiy nezaret altında bulunacaq, sıcaqları eñ azından künde 3 kere ölçenecek, aynı vaqıtta olar başqa askerlerden ayrı aşap ögrenecekler'', – dep qoştılar müessisede.
Qırımtatar Maaliy Merkeziniñ temsilcileri halqara meydançıqlarda Qırım sakinleriniñ grajdanlıq vaziyeti IV Jeneva Konvetsiyası ile belgilengenini, onıñ 51 maddesine binaen, işğal etici devletniñ Qırım sakinlerini öz silâlı ya da yardımci quvetlerinde hızmet ettirmege aqqı olmağanını qayd eteler. Nasıldır basqı, ya da gönülli olaraq hızmet ettirmek maqsadınen yapılğan propaganda da yasaq etile.
Bundan ğayrı, temel halqlarınıñ aqları aqqında BM Deklaratsiyasınıñ 30 maddesine binaen, topraqnıñ tamır halqından razılıq almadan arbiy faaliyetni alıp barmaq yasaqtır.
Rusiyeni vaqtınca işğal etilgen Qırımda ve Aqyar şeerinde yaşağan sakinlerniñ ordu hızmetine çağırılmasını lâğu etmege ve öz halqara mecburiyetlerine riayet etmege çağıramız.