26 iyün (cuma)
10.30 – 10.45 – Ukraina Tış işler nazirliginiñ binası yanında bayraq diregine Qırımtatar milliy bayrağınıñ köterilüvi. Tantanalı merasimde Ukraina Tış işler naziri Dmitro Kuleba ve Qırımtatar Milliy Meclisniñ reisi Refat Çubarov iştirak etecekler.
Merasim Ukraina Tış işler nazirliginiñ içeri azbarında ötkerilecek.
15.00 – 18.30 – Kiyev boyunca bayraqlar ile maşnalarnen yürüş.
Tedbir Halqara sergi merkezi yanında başlanıp, Mustaqillik Meydanında yekünlenecek. Onıñ iştirakçileri saat 18.30 büyük qırımtatar milliy bayrağınen yürüşke qoşulacaqlar.
18.30 – 19.00 –– Büyük qırımtatar milliy bayrağınen tantanalı yürüş. Yürüş Hreşçatik, 29/1 soqağında ("Roşen" tükânı yanında) başlanıp, Mustaqillik Meydanında yekünlenecek.
19.00 – 20.00 – Qırımtatar milliy bayraq kününe bağışlanğan miting.
Miting Mustaqillik Meydanında ötkerilecek.
27 iyün (cumaertesi)
09.00 – 11.00 Kiyevdeki Obolon yalı kenarında tasvir etilgen büyük qırımtatar milliy bayrağınıñ yañartuvı.
Bundan ğayrı, Qırımtatar Milliy Meclisi ve Qırımtatar Maaliy Merkezi yardımınen Kiyev soqaqlarında qırımtatar milliy bayraqları asılacaq. Bu teşebüss endi üçünci yıl ötkerile.
Qırımtatar milliy bayraq kününe bağışlanğan tedbirlerniñ teşkilcileri maska ve qolçaqlarnı kiymek ve içtimaiy mesafeni saqlamaq kerekligini hatırlatalar.
Qırımtatar milliy bayraq kününe bağışlanğan tedbirlerge er kesni qoşulmağa davet etemiz.
Qırımtatar Maaliy Merkeziniñ matbuat hızmeti