"Tenbide" toplaşuv, miting, numayış, yürüş ve piketler ötkerilmesi vaqıt ekstremist faaliyetine yol berilmemesi qayd etile.
"Kütleviy aktsiyalarnıñ iştirakçilerine öz betlerini maskalar, maskalama vastaları, şahsiyetni tesbit etmege qıyınlaştırğan başqa şeylernen qapatmağa yasaq", – denile "tenbi vesiqasında".
Bundan ğayrı "tenbide" mayısnıñ 3-de ve 18-de ve iyunniñ 26-da Qırımtatar Milliy Meclisi azaları tarafından sanki ruhsetsiz aktsiyalar keçirilmek mümkün, dep qayd etile.
İşğal etilgen Qırımda soñki aylar arasında qırımtatar faalleri kütleviy şekilde Rusiye quvetçilerinden "tenbi vesiqalarını" alalar.