"Tecavuzcı devlet, kene Ukraina vatandaşlarını qanunsız yaqalap eñ büyük apis cezalarına mahküm ete, azatlıq "fiyatını" eñ yüksek derecege kötermek içün olarğa tibbiy yardım bermeyip ağır şaraitte tuta", – denile haberde.
Ombudsmenniñ sözlerine köre, Rusiye öz areketlerinen insan aqları ve temelli ürriyetleri Konventsiyasını boza.
"Halqara toplulıqnı öz basqısını quvetleştirip, Ukrainağa bütün vatandaşlarını qaytaruvında yardım bermege rica etem. Çünki Rusiye hududı, işğal etilgen Qırım, Lugansk ve Donetsk vilâyetinde qanunsız tutılğan vatandaşlarımıznıñ yaşayışı er kün telüke altındadır. Olar bizim qoltutuv ve beraberlikte yapılğan areketlerimizge muhtac", – dep qayd etti Denisova.