"Rusiye eñkastan öz toprağında ve vaqtınca işğal etilgen Qırımdaki apislerde tutılğan ukrainlılarnıñ yaşayışı ve sağlığı içün telüke yarata. O, yuqunçlı hastalıqnıñ tarqaluvına yol berip, koronavirus qırğınlığı şaraitte mabüslerni şahsiy qorçalav vastalarınen teminlemey", – denile haberde.
Ombudsmen, Rusiye mahkemesi 8 qanunsız yaqalanğan qırımtatarğa kene apis müddetini uzattı, dep hatırlattı. Bundan ğayrı siyasiy mabüs Aleksandr Şumkovnıñ apis rejimini sertleştirmek içün manaçıq tapıp, onı kene ŞİZOğa qapattılar.
"Birleşken Milletler insan aqları Yuqarı komissarı Mişel Baçelet, Avropa Şurası insan aqları komissarı Dunâ Miyatoviç ve Avropa Şurası baş kâtibi Mariya Peyçinoviç-Büriçten Rusiye ve vaqtınca işğal etilgen Qırım Muhtar Cumhuriyetindeki apislerde qanunsız tutılğan Ukraina vatandaşlarınıñ aqlarını qorçalamağa rica etem", – dedi Denisova.
Ombudsmen halqara aqqorçalayıcı teşkilâtlarnı işğalci devletke nisbeten basqını quvetleştirmege çağırdı. Çünki Rusiye karantin şaraitinde mabüslerni qanunsız apiste tutıp, olar içün ölüm telükesini yarata.