«Şimdi işğalci devlet, nezaret altında olğan 3 biñden ziyade insan aqqında malümat bere. Olardan aman-aman 200 insan tibbiy müessiselerde buluna. Koronavirusnen 28 insan hastalandı. İşğal etilgen Aqyarda oturğan yerinde nezaret altında 584 insan buluna, 5 insan hastalandı», – denile bildirmede.
Denisova, şimdiki vaqıtqace Ermeni Bazar ve Aqyar hastahanelerinde hastalarnen alâqada olğan insanlarnıñ çoqusına COVID-19 testi yapılmadı dep qayd etti. Ondan da ğayrı yarımadadaki tibbiy müessiseler qırğınlıqqa qarşı çıqmağa azır degiller.
«Şunıñ içün işğalci devlet yarımada sakinlerini siyasiy körüşler, din, ırq ve milletlerine baqmadan kerekli tibbiy yardımınen temin etmeli», – dedi o.
Hatırlatamız, Qırım «yolbaşçısı» Sergey Aksenov, koronavirus yukunçınıñ cayramasına qarşı operativ ştabınıñ toplaşuvında Ermeni Bazarda ekimler ve hastalar koronavirus telükesi altında olğanı sebebinden hastahane qapatılğanını bildirdi. Aynı sebepten Aqyarda da hastahane qapatıldı.