2026 senesiniñ kiçik-saban ayları içinde mevcut olğan malümatlarğa köre, rusiye federatsiyası Qırımnıñ eñ azdan 10 sakinini öz «Ekstremist faaliyetke ya da terrorizmge qoşulğanları aqqında malümat olğan teşkilâtlar ve şahıslarnıñ cedveli»ne kirsetti – Qırımtatar Resurs Merkeziniñ İdare reisi ve Qırımtatar Milliy Meclisiniñ azası Eskender Bariyev bildirdi.
Eskender Bariyev «ekstremistler ve terroristler» cedveline kirsetilgen adamlarnıñ cedvelini derc etti:
Suprun Maksim Andriovıç, 05.08.1996, Aqmescit, Qırım, Ukrayina.
Girenko Dmitriy Ruslanovıç, 08.03.2006, Sevastopol, Ukrayina.
Kölçenko Kostântin Vâçeslavovıç, 08.12.1986, Keriç, Ukrayina SSR.
Moroz (Panova) Anna Vyaçeslavivna, 10.07.1998, Aqmescit, Qırım Muhtar Cumhuriyeti, Ukrayina.
Bondarenko Viktor Serğiyoviç, 14.01.1986, Keriç, Ukrayina SSR.
Rebedak Oleksandr Vasilövıç, 11.02.1981 Primorskiy qasaba, Kefe, Qırım vilâyeti, Ukrayina SSR
Blohin Andriy Valeriyovıç, 02.19.1971, Alupka, Ukrayina SSR.
Dolgopolov Dmıtro Yuryevıç, 04.23.2001, Aqyar, Ukrayina.
Romanov Danılo Danılovıç, 07.03.1976, Aqyar, Ukrayina SSR.
Ulanovskiy İvan Ğenadiyevıç, 02.09.1999, Qırım Muhtar Cumhuriyeti, Ukrayina.
“İşğalniñ 13-nci yılına baqmadan, sadıq olmağan halqqa qarşı küreş faal devam ete. Yarımada territoriyasını idare etecek işğal akimiyeti er kün Qırımda ukrayin grajdanlarına qarşı cinaiy işler aça, böyleliknen, begenmegen adamlarnı on yıllar devamında rusiye apshanelerine cinaiy yolnen zorlap yollaylar”, – ekspert dedi.
Uquq qorçalayıcısınıñ aytqanına köre, Qırım işğal etilgen birinci künlerden başlap, rusiye narazılıq köstermege cesaret etken, işğalge ve yarımadada alıp barılğan siyasetke razı olmağanını bildirgen kimseni vahşiyce bastırmağa tırıştı. Bugün Qırımda işğalci havfsızlıq küçleri öz omuzlıqları üzerinde çalışıp, Moskvağa «terroristler ve ekstremistler» qıdıruv statistikasında özleriniñ qalabalıq faaliyetini büyük avesliknen köstereler. İşğalci memleket onlarnen adamlarnı apishanege ala, olarnı yıllar devamında inkommunikadoda statusında tuta ve tek ara-sıra belli bir madde boyunca kimniñ tam olaraq tutulğanını açıqtan-açıq köstere ya da ilân ete.
«Ekstremistler ve terroristler» cedveline adamlarnı kirsetmek ne demektir?
Eskender Bariyevniñ añlatqanına köre, bu siyasiy basımnıñ bir çeşiti. rusiye qanunlarına köre, bu cedvelge insannı kirsetüv avtomatik olaraq kirsete:
– banktaki esaplarnı qapatuv;
– mülknen idare etmek aqqınıñ sıñırlanması;
–iqtisadiy ayrılıq
“Ukrayina grajdanlarını bu cedvelge kirsetüv, adetince, siyasiy sebeplerden cinaiy cevapkârlıqqa çekilmege esaslana, bu basım aletleri olaraq qullanıla. Böyle allarda maddiy sıñırlavlar cezanıñ qoşma şekiline çevirile ve repressiyalar arttırıla”, – Bariyev dep añlattı.
Bu mehanizmniñ qullanıluvı qanunnıñ esas ümdelerine, hususan qabaatsızlıq prezumptsiyasına qarşı kele, çünki «Ekstremist faaliyetke ya da terrorizmge qoşulğanları aqqında malümat olğan teşkilâtlar ve şahıslarnıñ cedveli»ne kirsetüv makemeniñ terrorizm qararı olmadan ola bile ve ekstremizmni esapqa aluvnı köstere – QRM idaresiniñ reisi qayd etti.
«rusiye federatsiyasınıñ böyle ameliyatı insan aq-uquqlarınıñ qabaatlı bozulmasıdır ve işğalci akimiyetniñ söz, vicdan ve inanç serbestligine qarşı küreşini köstere», – ekspert qoşıp qayd etti.