1938 künü 17 aprelde Aqmescitte onlarnen belli qırımtatar alimi, yazıcı, tarihçı, bestekãr, cemaat erbabı SSSR NKVD qırım idaresiniñ mağazlarında qurşunğa tizilgen edi.
Bu kütleviy ceza aman-aman bir yıl devamında hazırlanıldı. Stalin hakimiyeti her hangi usullarnen sahte vesiqalar toplay, şaatlarnı sorğuğa çeke, qorquza edi.
1938 senesi 5 martta Stalin tarafından Qırım ASSR boyunca nevbetteki cedvel hazırlanıldı. Şu cedvelde 60 adamdan 41-i qırımtatar edi. Arasında Qırımtatar Qurultayınıñ birinci reisi Asan-Sabri Ayvazov da bar edi.
1938 senesi 17 aprelde qırımtatarlarğa nisbeten aynı qabaatlav çıqarıldı. Olar hepisi ‘sovetlerge qarşı pantürkist casus ve diversion-terrorist teşkilãtınıñ azası olaraq, Sovet hakimiyetini yoq etmek maqsadında çalışqanında’ qabaatlanıldı.
Mezkür facia qırımtatar ziyalarını kütleviy şekilde yoq etken qorqunç bir adise oldı.
Al-azırda stalin usulları Rusiyede ve ayrıca işğal etilgen Qırımda saqlanıldı. Rusiye yarımadaki insanlarnıñ haq ve serbestliklerini boza. Nasıl olsa da, putin rejimi bir vaqıtları stalin rejimi yoq olğan dayın ğayıp olacaq.