2014 senesiniñ çiçek ayiniñ 17-nci künü Ukrayina Yuqarı Şurası «Milliy alâmetler içün sürgün etilgen şahıslarnıñ aq-uquqlarını tiklev aqqında» tarihiy Qanunnı qabul etti.
Bu vesiqa cinaiy sovet siyasetiniñ mecburiy köçürilmesinden zarar körgen halqlar içün adalet tiklev yolunda müim adım oldı. Qanun sürgün etilgenlerniñ statusını belgiley, olarnıñ aq-uquqlarını tiklev içün kefaletler belgiley ve bu saada devlet siyasetiniñ ümdelerini kösterile.
Qırımtatarlar, Ukrayina tamır halqı, içün bu Qanunnıñ ayrıca emiyeti bar, olar 1944 senesi öz tarihınıñ eñ facialı saifelerinden birisini, yani milliy alâmetler içün tuvğan toprağından kütleviy sürgünlikni başından keçirdiler. Biñlernen qorantalar evlerinden tamırından çıqarılıp, azap ve ğayıplarğa oğrap, öz vatanına qaytmaq, öz medeniyetini, tilini, namusını saqlap qalmaq aqqı içün on yıllar devamında küreş keçirdiler.
Qırımtatar Resurs Merkezi de bu yönelişte öz işini devam ete. Biz qırımtatar halqınıñ sürgünligi bütün dünyada genotsid aktı olaraq resmiy şekilde tanılmasını talap etemiz.
Bugünki künge sekiz memleket bunı ettiler:
- Ukrayina
- Poloniya
- Litvaniya
- Letoniya
- Kanada
- Estoniya
- Çehiya
- Felemenk
Bu soñ derecede müim qararlar, qırımtatar halqı içün dünya seviyesinde adalet tiklenilecek künni yaqınlaştırır.