"Faşistler Qarasuvbazar şeerdeki Resul Velilyayevniñ parasına qurulğan Cuma cami divarında öz tamğasını qaldırdılar. Bu vaqia bugün gece oldı. Men bellesem, bu vaqia "Hıdır-dede" film-masalı premyerasını keçirgen salonında Resul Velilyayevniñ adı film çıqaruv yardım etkenlerniñ sırasında añılğanında, adamlar alğışlarnen qarşılağanı içün cevap oldı. Halqnıñ bu alğışlarını "müddetini keçirgen aşayt malları" içün şimdi Lefortovo apishanesinde oturğan, qırımtatar medeniyeti, ilimi inkişafına qol tutqan acayip insanğa, hayriyetçige afu etip olamadılar", – yazdı Lilâ Budjurova.
İşğal olunğan Qırımda bu müthiş vaqia yekâne degil. İşğalden soñ butün Qırımda abideler, camilerni aramlaması sıqlaştı.