Muzakere Kreml tecavuzı sebebinden Ukrainanıñ iqtisadiy zararına ve Ukraina ükümeti ve Ğarpnıñ Rusiye nezaretinde olğan Ukraina kapitalını keri qaytarmaq ya da zararını ödemek konkret areketlerine bagışlandı.
Anders Aslund Ukrain krizis media-merkezinde araştırmasını prezentatsiya vaqtında "Rusiye Qırımnı işğal etti. Rusiye Ukrainanıñ bu qısımı içün tam mesüliyet taşıy" dep, qayd etti. Anders Aslund «Ukrainadaki Kreml tecavuzınıñ fiyatı: maddiy ölçev» degen araştırmanıñ müellifi, Eurasia Center Atlantic Council üyken ilmiy hadimidir.
Qırım işğal olunğan soñ Ukraina 1,4 million gektar topraq coydı. Olarnıñ fiyatı – 1,8 milliard dolar. Ondan da ğayrı, ukrain bankları kapitallarnı coydı. 1,7 milliard dolardan başlap, 1,9 milliard dolarğa qadar. Rusiye «Qrımenergo» şirketini musadere etti. Mında da Ukraina 1 milliard dolar coydı.
Anders Aslund "Şarqta cenkâver areketleri 9,5 milliard dolarğa qadar zarar ketirdiler. Şu yerlerni uquq vesiqasız zapt ettiler" dep, qayd etti.
Rusiye de iqtisadiy zararğa malik oldı. Er sene Rusiye Qırım içün 2 milliard dolar masraf ete. Rusiyeniñ arbiy masrafları soñki seneler içinde 5,3% VVP qadar çoqlaştı. Ukraina ve Rusiye arasında ticaret eksilgeni içün Ukraina daa 14 milliard dolar coydı.