Qırımtatar resurs merkezi din serbestligi meseleleri boyunca OON mahsus maruzacısı Ahmed Şahidge ‘Qırımda fikir serbestligi haqqınıñ qoruvı, hürmet etilmesi, riayet etilmesi ve onıñ diger insan haqları ile bağı’ mevzusında esabat yolladı.
Esabat OON General Assambleyasınıñ fikir serbestligi haqqını amelge keçirüv, qoruv ve hürmet etüvi haqqında 76-ncı sessiyasında maruza içün taqdim etilgen edi.
QRM tarafından işğal etilgen Qırımda fikir serbestligi haqqınıñ bozuluvınen bağlı vaziyet haqqında malümat berildi ve mezkür haqqınıñ sıñırlama misalleri ketirildi.
‘2014 senesinden başlap, RF tarafından Qırım işğal etilmesinen regionda insan haqlarınıñ qorçaluvı, amelge keçirilmesinen bağlı vaziyet fenalaştı… ‘Hakimiyet’ basqınıñ çeşit usullarını işlete: qanunsız yaqalamalar, tutuqlama, tintüv, ceza davaları, qorquzmalar, işkence, öldürüv, şahsiy mülkni yoq etüv. Bütün bu cinayetler tekrar- tekrar yüz bermekte,’- denile esabatta.