rusiye komandanlığı işğal etilgen Aqyardan Novorossiyskke Qara deñiz flotunıñ idare organlarınıñ qalımtılarını avuştırmaq imkânını baqa. Bunı “ATEŞ” partizan areketi bildire.
Partizan areketiniñ malümatına köre, flotunıñ ştab strukturaları idare bölüklerini Qırımdan rusiyege avuştırmaq planlarını azırlaylar. Hususan, Ukrayina darbelerinden soñ öz işlevini ğayıp etken ya da zarar körme telükesi altında bulunğan obyektler aqqında söz yürsetile.
rusiye zabitleriniñ bir qısmı köçmege azırlana: qorantalarını alıp keteler, mal-mülküni satıp, resmiy emirlerni beklemeden Novorossiyskke yerleşeler – ATEŞ qayd etti.
Partizan areketi böyle niyetlerni Ukrayina Silâlı Quvetleriniñ işğal etilgen Qırımnıñ arbiy infrastrukturalarına ücümleriniñ arttırılması ve yarımadada rusiye orduları içün logistika vaziyetiniñ fenalaşmasınen bağlay.