Qırımtatar Milliy Meclisiniñ reis muavini Nariman Celãl bir qaç kün devamında Türkiyeni ziyaret eterek, bir sıra tedbirlerde iştirak etti. Şu cümleden qırım siyasiy mahbüsleriniñ analarına bağışlanğan ‘Seni her vaqıt bekleycegim, balam’ adlı forosergisinde bulundı. Sergi İstanbulda, Ankara, Eskişehir, Gebzede olıp keçti. Bu aqta Nariman Celãl ‘Qırım.News’de izaat etti.
‘ Esirde olıp keçkenlerini añlattım. Siyasiy mahbüsler kimdir, qırım siyasiy mahbüsleri digerlerinden nasıl farq etkenini, Qırımda siaysiy mahbüsler rusiye hakimiyetine qarşı çıqmağanlarını, hakimiyetni elge almağa tırışmağanlarını, sadece Vatanlarınıñ işğaline, dostlarınıñ taqip etilmesine qarşı çıqqanlarını añlattım’,- qayd etti o.
Şundan da ğayrı, Celãl Türkiye Prezidentiniñ baş mesleatçısı Yalçin Topçunen körüşip, işğal etilgen Qırımdaki vaziyetni ve siyasiy mahbülslerniñ meselesini muzakere etti. Körüşüv devamında Kremlde al-azırda 220 ukrain esir, olardan 136 qırımtatar bulunğanını bildirdi. Celãl prezident Recep Tayip Erdoganğa Ukrainağa qoltutqanı içün minnetdarlıq bildirdi.
‘Bazı deputatlar bizge faal destek köstereler ve ruslarnı ukrainlernen bir halq olaraq qabul etmeyler. Faqat aqiqatnı bilmegenler de bar. Olarğa Ukraina ve rf aqqında bir çoq meselelerni añlatmağa mecburmız’, – qayd etti Celãl.