Çarşenbe künü, sentãbrniñ 18-inde BMT(OON) General Assambleyasınıñ 79-sessiyası arfesinde QRM reisi, qırımtatar Milliy Meclisi azası Eskender Bariyev ‘Tamır halqlarnıñ barışıqqurması daha barışıq dünya ve zorbalıqlı çatışmalarnıñ yımşatılması içün bir yol olaraq’ Brifinginde iştirak etti.
Öz çıqışında ekspertler şunı qayd ettiler:
- tamır halqlar dünyadaki bir sıra devlet, cenk, çatışmalarnıñ kolonial siyasetniñ qurbanlarıdır;
- BMT(OON) nizamnamesi ve halqara huquq normalarına riayet etilmegence barışıq ve sabit inkişaf olamaz;
- Ukraina Prezidenti Vladimir Zelenskiyniñ barışıq formulasını qabul etmege çağırdılar. Mezkür formula 10 maddeden ibarettir ve diger cenklerniñ toqtalımasına da uyğun ola bilir;
- al-azırda barışıq şartlar yüksek siyasiy seviyede, gizli, tamır halqlarnıñ temsilligi olmadan muzakere etile;
- tamır halqlarnıñ topraqlarına dair qararlar tamır halqarınıñ iştiragı olmadan alınamaz.
QRM reisi şuna çağırdı:
- tamır halqlarnıñ barışıqqurmasında iştirak etüvine dair global tedqiq keçirmek;
- BMT(OON), dünya devlet hakimiyetlerini ve diger teşkilãtlarnı ‘Halqara tamır halqlar barışıqqurma onyıllığını’ qabul etmek;
- tamır halqlar temsilcilerini añlaşma esnasına qoşmaq.
- tamır halqlar barıştırıcılar Global ağını, aracı, muzakerecilerge tamır halqlarnıñ barışıquruv sammitinde qol tutmaq.
