Cuma künü, avgust 23-ünde Vinnitsada ukrain esirlerni desteklemek maqsadınen ‘Esirden qurtar! Susma’ barışıq akstıyası keçirildi.
Aktsıya iştirakçileri arasında esirlerniñ, belgisiz ğayıp olğanlarnıñ aqrabaları, Vinnitsa cemaat erbapları bar edi. Tedbirniñ maqsatları:
- esirlerniñ qorantalarına qol tutmaq
- ukrain esirleriniñ azat etilüv meselesine hakimiyet ve halqara teşkilãtlarnıñ diqqatını çekmek
- ukrain qaramanları evge qaytmaları oğrunda işni arttırmaq.
#LIBERATECRIMEA areket iştirakçisi QRM idare azası Yuliya Piskunova işğal etilgen Qırımdaki vaziyet,Qırım siyasiy mahbüsleri, ayrıca da Noman Çelebicihan adına batalyon davası boyunca taqip olunğanlar aqqında tarif etti.
Onıñ qayd etkenine köre, 2022 senesi iyün 1-inde rusiye aliy mahkemesi baş prokuraturanıñ Noman Çelebicihan adında qırımtatar göñülli batalyonını terroristik teşkilãt olaraq tanılması ve onı RF territoriyasında yasaq etilmesine dair muracaatnı qabul etti.
‘2014 senesinden başlap, QRM Noman Çelebicihan adında qırımtatar batalyonında iştirak etüvinde qabaatlanuv boyunca 46 adam tutuqlandı: 18- işğal etilgen Qırımda, 2022 senesi fevral 24-ten soñ ise 28 – işğal etilgen Herson vilãyetinde’,- qayd etti Yuliya.
Teşkilãtçı: ‘Vinnitsa vilãyetiniñ bir ailesi’ elãk olğanlarnıñ aqrabalarınıñ Cemaat teşkilãtı.