QRM tarafından Ukrainada ‘Fridrih Naumannıñ serbestlik oğrunda Fondu’ Temslciliginiñ destegi ile teşkil etilgen ‘Serbestlik lageri’ öz işini yekünledi.
Hatırlatamız ki, ‘Serbestlik lageri’ avgustnıñ 12-18 künleri Zakarpatyede keçirildi. Lagerde Ukrainanıñ çeşit köşelerinden kelgen 20-ge yaqın faal cemaatçı iştirak etti.
Soñ künlerde iştirakçiler #LIBERATECRIMEA halqara areketi içün yañı vizual malümat, kampanya, aktsıya, fleşmoblarnı işlep çıqarılmasına diqqat ayırdılar.
Neticede faal cemaatçılar ‘Serbestlik lageri’niñ iştirakileri olğanı aqqında sertifikatlar aldılar ve duyğuları teessurat ve fikirlerinen paylaşa bildiler.
Bilgi ve tecribeni paylaşmaları içün bütün Ukrainadan faal insanlarnı bir yerde toplap olğanımızğa pek sevinemiz. Kelecekte de ‘Serbestlik lageri’ tarafından işlep çıqarılğan mahsulatnı körecegiñizge ümüt etemiz.
Bu tek başlanğıç!