Cumaertesi künü, avgust 8, İstanbulda Ukraina konsulınıñ teşebbüsi ile Halqara tamır halqlar künü munasebetinen ilmiy konferenstıya keçirildi.
Tedbirge İstanbuldaki Ukraina Baş konsolı Roman Nedilskiy, ömür arqadaşı Lüdmila Nediliskaya, qırımtatar Milliy Meclisi reisi Refat Çubarov, QRM reisi, Qırımtatar Milliy Meclisiniñ azası Eskender Bariyev, qırımçaq halqınıñ temsilcileri ve Türkiyedeki qırımtatar diasporanıñ temsilcileri iştirak ettiler.
İştirakçiler ukraina tamır halqlarnıñ vaziyetini muzakere eterek, rus-ukrain cenkiniñ Ukraina tamır halqına tesirine diqqat ayırdılar.
QRM reisi Eskender Bariyev qayd etkeni kibi, Ukraina ve Türkiye arasında bağ pek qaviydir.
‘Ukraina tamır halqları – türkiy halqlar olğanına köre, türk dünyası Ukrainanen daha sıq munasebette olması içün bir köpür ve duşmanğa qarşı küreşine destek köstermesine bir imkãndır’, – dedi o.
Şundan da ğayrı, Eskender Bariyev şunı qoştı ki, rusiye imperializminden türk halqları eñ çoq zarar kördi. Bu yerde Ukraina tamır halqlarından ğayrı, rf territoriyasında yaşağan digger türkiy halqlar aqqında laf yürsetile.
‘Bir vaqıtları belli erbap – Taras Bulba-Burıvets 1951 senesi Ukraina ve türk dünyası imperializmge qarşılıq köstermek içün büyük küç olğanını ayta edi’, – qayd etti ekspert.