Salı künü, iyülniñ 23-nde QRM reisi, qırımtatar Miliy Meclis azası Eskender Bariyev ve QRM yuristi Lüdmila Korotkih dünya tamır halqlar liderlerinen körüşüvde iştirak ettiler
Körüşüv devamında nevbetteki meseleler muzakere etildi:
BMT(OON) tamır halqlar meseleleri boyunca Daimiy forumınıñ 23 sessiyasınıñ soñ vesiqasında 2024 senesi 12 aprelde qabul olunğan tamır halqlarnıñ qurulışı haqqında Birinci deklaratasıyasınıñ bazı aspektleri añıla. BMT(OON) tamır halqlar meseleleri boyunca Daimiy forumı tamır halqnıñ territoriyası ve çatışmalarını ögrenmek içün 3-4 azadan ibaret ekspert komitetni tayinledi. Şundan da ğayrı, cenk ve çatışmalar olğan tamır halqlarğa ait territoriyalarda barışıq ve barışuv komissiyalarnı ögrenmek içün 3-4 azalı komitet teşkil olundı. Bu da Vaşıngtondaki I Global sammitten soñra büyük bir yeñiş sayılır;
– sammitten soñ barışıq inkişafı boyunca BMT(OON) Departamentinen eki körüşüv keçirildi;
– Jenevada olıp keçken tamır halqlarnıñ haqları boyunca BMT(OON) Ekspert mehanizminde tamır halqlar liderleriniñ barışıqqurucılığı haqqında aytılmasınıñ emiyetliginden bahs etildi;
– 2024 senesi sentãbrdeki BMT(OON) General Assambleyasınıñ sessiyasında tamır halqlarnıñ inkişaf ğayeleri boyunca Global sammitniñ ğayelerine qol tutqan devletler bar;
– Amerika Qoşma Ştatlarında barışıq İnstitutında qapalı ‘Praktikler cemiyetiniñ onlayn-portalı’ teşkil etildi. Şu portalda I Global Sammitke qoşulğan 120 tamır barışıqqurucıları qoşulacaq.
– tamır halqlar ealisiniñ barışıq inkişafı boyunca oquv programması işlenmege başlanıldı. Programma siyasetçilerge, praktiklerge yardım etecek. Gandhi King Global Academy ile ve diger amerikan universitetlerinen iş başlatıldı.
Hatırlatamız ki, tamır halqlar meseleleri boyunca I Global sammit 2024 senesi 11-12 aprelde Vaşingtonda keçirldi. AQŞ barışıq institutı tedbirde 80 tamır halqnıñ liderini topladı ki, olar dünyanıñ dört tarafında her kün rastkelgen meselelerni muzakere ettiler.